王宗堯遊日本滿載而歸
王宗堯早前趁空檔,與老友陳詩慧及公司同事遊日散心,五日行程除了例牌濕平同食好嘢之外,兩人專程去參觀大阪環球影城,又戴VR眼鏡玩飛車遊戲,嗌到冇氣。事後王宗堯說:“我覺得最好玩係福音戰士,我好鍾意刺激嘅遊戲,戴住副眼鏡喺VR世界入面,加上過山車嘅衝力,真係好好玩呀。”
陳詩慧則唱反調,因為逢係玩轉來轉去的遊戲都頂唔順,“我唔係好喜歡VR,會作嘔頭暈,玩玩吓要除咗副眼鏡,但原來唔戴VR睇又係另一種感覺。”遊主題樂園的其中一項節目,當然係行精品店。話說男神逛街時亦遇上香港粉絲影合照,但陳詩慧反而變身粉絲,因為撞正柯震東,陳詩慧見機不可失,立即合照留念。王宗堯同陳詩慧在環球影城買到滿載而歸,當坐新幹線回程時,個個都攰到坐地上休息。
留言