謝安琪張繼聰誕下七磅半B女

媒體

分類

新聞

張繼聰和謝安琪（Kay）於2007年結婚，兩人育有一名九歲的兒子。去年9月， Kay完成演唱會後，宣布暫別樂壇，計劃和老公追生第二胎，隨後兩人火速「造人」成功。昨日下午，Kay開刀誕下七磅半重B女，成功湊夠個「好」字。張繼聰全程陪伴母女左右，他坦言見老婆開刀好肉赤，現沒有計劃生第三胎。

張繼聰宣布老婆謝安琪誕下B女，成功湊夠個「好」字。

昨日，張繼聰舉行記者會宣布再當爸爸，他透露Kay開刀誕下七磅半重B女，坦言自己經歷了一個新階段：「上次自己好緊張，淨係講『唔該』、『多謝』，好似飲醉酒咁。今次自己就坐定定，都好緊張，撞到啲儀器。自己陪住太太好感動，太太好叻，BB都好叻，好快就出世，又好大聲喊，自己有幫手剪臍帶。」

謝安琪去年暫別樂壇後，和老公火速「造人」成功。

張繼聰難掩再為人父的喜悅之情，他說：「好開心，太太都好感動，醫生叫我Keep住笑，開心啲陪太太，自己都唔知講咩。感覺太太好偉太，整個過程都好偉大。」對於剪臍帶，張繼聰坦言有好特別的感受：「上次見到條臍帶個心都離一離，原來條臍帶咁粗。蘇永康好叻呀，一吓剪到，我就要剪三下，因為好粗。」

問到有沒有計劃生第三胎？張繼聰表示兩個都夠數：「除非之後可以男士代產，我就負責幫佢生，因為見到太太咁樣好肉赤。」他透露Kay剛剛餵了一次母乳：「抱住B女嗰時，佢有捉住我隻手指，拉我埋佢塊臉，跟住我同太太講嘢佢都有望住我。我哋都會好小心處理，唔會話錫晒個女唔理老婆。」

張繼聰和謝安琪結婚多年，一直表現恩愛。

謝安琪 張繼聰 誕下七磅半B女