巴塞作客風起“雲”湧

媒體

分類

新聞

歐冠盃八強明晨殺到埋身，率先上演一五年決賽翻版，祖雲達斯對巴塞羅那。

祖雲達斯主場威力相當得人驚，今季所有主場比賽未嘗敗績，意甲與意大利盃十九場全勝，歐冠盃分組賽至今亦有贏冇輸，對住巴塞未驚過。

巴塞雖在十六強次回合奇跡翻盤聖日門，但首回合大敗吞四球，反映出踢作客非常不穩。近三場聯賽作客只得一勝兩負，除殺敗尾二戰鬥力弱的格蘭納達外，竟不敵拉科魯尼亞與馬拉加兩支下游球隊，表現實在令人失去信心。今場初盤開出平手，坐鎮主場出擊的祖記有一定優勢，捧“斑馬兵團”坐和望贏。

祖記上場聯賽兵不血刃以兩球輕取切禾，部分主力更作出輪換，養精蓄銳迎戰巴塞。今仗更有攻擊手文迪蘇傑傷癒復出，拍住希古恩雙煞拍門，絕對有力攻陷巴塞不穩防線。相反，巴塞上場除拿傑迪休戰、恩尼斯達後備上陣外，基本上精兵盡出，但仍被馬拉加擊殺，今場更有布斯基斯停賽，巴塞形勢不妙。

推介：祖雲達斯2:1

Ben

足球評述員