曼聯阻“車”上路
英超今個星期重頭戲上演“紅藍”大戰,曼聯冤家路窄再遇車路士。雙方今季第三度交手,聯賽首循環與足總盃,紅魔鬼被車仔雙殺。對住舊主連輸兩場,老摩肯定心有不甘,特別在教“車”時期被一眾叛將出賣,攪到棄“車”而逃,今仗主場老摩勢必挽回面子。
車仔奪冠之路已越行越近,對住曼聯可以話係餘下賽事中,最重要一戰。祇要今場作客降“魔”,就可手執半邊盃耳,“魔車”大戰定必殺得難分難解。
初盤平手,捧有主場之利的紅魔鬼翻“車”成功。曼聯要爭上前四的確艱險重重,餘下賽程仲有曼城、阿仙奴與熱刺要打,不過,相信老摩永不放棄,尤其對住車仔更絕不低頭,球員戰勝對手決心將成為關鍵,聯賽已保持廿一場不敗,曼聯有信心坐和望贏。
車仔近八戰取得七勝一負,球隊狀態十足,作客發揮同樣相當穩定,加上近年對曼聯往績,車仔難以搵出不利之處。不過,主場唔使讓波,曼聯一定捧得過。
推介:曼聯 一比〇
足球評述員 Ben
留言