小方想“食”麥美恩
方力申、麥美恩、林穎彤昨日出席馬拉松宣傳活動,期間大玩遊戲,多次玩輸的小方飲下多杯啤酒和威士忌,但仍能保持清醒,否認與陳瀅的緋聞,強調自己是專一男。
小方在玩遊戲時不敢與女隊員行近,問他是否怕激嬲緋聞女友陳瀅?他緊張地否認說:“嘩,錯!錯!我都唔明,在這些年裡大家咁關心我的緋聞,一隻手都數唔哂,個個話我好犀利,有很多女友又花心。其實在過去十年同鄧麗欣拍拖我都好專一,點會有咁大轉變。(現在大解放?)你當我坐監咩?之前不是坐監,好充實,不會突然有大轉變,只是大家太緊張。(陳瀅是堅定流?)梗係流!總之唔係,現在是單身,但不是慢慢揀,千祈唔好咁講,男人以事業為重,總之我是專一男仔,太多緋聞對我形象也不好。”
身邊的美恩笑言不介意有緋聞,不會避忌與異性出街。小方即主動說要交換電話,美恩笑謂鬥Dry,互相滋潤吓,小方即刻大講有味笑話:“唔得,出來飲嘢要濕啲。”美恩又大讚玩遊戲時得到小方照顧:“佢睇住我來玩。”小方回敬說:“睇住你來食。”一向玩得的美恩大方謂:“無任歡迎。”
留言