紅魔撐到底
英超今晚有場好戲碼,由熱刺迎戰曼聯,原本屬於一場爭分奪位激烈之戰,但由於形勢大局基本已定,雙方作戰鬥心或有保留。
車仔剪“布”後,熱刺已經爭冠無望,“阿二”之位應該打風打唔甩。不過,攞多一分最穩陣,今仗求勝之心應比紅魔較強。熱刺上場打吡不敵韋斯咸,對球隊確係一大打擊,唯有疊埋心水保住個亞軍。今晚返到主場出戰確有一定保證,十八場聯賽取得十六勝兩和不敗,既然今仗係最後一場在自己“粉絲”面前出戰,當然希望能夠保持佳績,答謝球迷支持,一眾球星定必踢出加一波,全力撲擊紅魔。
老摩一向相當硬淨,死唔認輸就係真本色。殺入歐霸盃決賽後,老摩已表態會將精力集中兩星期後的歐霸盃終極一戰,餘下三場英超亦會大幅輪換球員上陣。不過,唔代表會放軟手腳,曼聯副選中都有一定質素,有機會上陣定會全力以赴表現自己搏上位。初盤熱刺讓半球/一球,博紅魔又攞一分。
推介:和波1:1
足球評述員 Ben
留言