容祖兒自爆肥到剪開衫

媒體

分類

新聞

日前，容祖兒（Joey）和張敬軒一起盛裝打扮出席公開活動。Joey和媽媽剛從日本旅遊返港，一臉神采飛揚，但她表示希望可以多玩幾日：「去咗五日四夜，好少咋！」談及男友劉浩龍為新戲角色減了20多磅，Joey坦言沒留意：「最近我哋各有各忙，冇乜理佢。」

容祖兒和媽媽剛從日本旅遊返港。

早前，Joey曾公開表示喜歡肥仔類型，問男友由「肥龍」變「瘦龍」，會否已不是她喜歡的類型。對此，Joey笑言：「有音樂才華就得，工作緊要，拍完戲就唔瘦身喇！」Joey又表示自己近年胃口開始變小，她說：「以前同阿媽、契媽嗰啲，一齊食嘢好好胃口，而家戰鬥力大減，好易放低筷子，好快覺得飽。」

容祖兒坦言欣賞劉浩龍的音樂才華多過身型。

Joey自爆早前收拾房間時，找回以前開「拉闊音樂會」的照片。Joey笑言以前身形肥到要剪開衫，她說：「記得第一次開拉闊，肥到要剪開件衫嚟著，因為件衫太緊、著唔落，媽媽當時幫我揀衫，即場幫我剪開佢。粉絲都記得我以前係肉騰騰、肥嘟嘟，自己當然鍾意瘦喇！」

每年母親節，容祖兒都會陪媽媽飲茶。

談到母親節，Joey表示每年都會陪媽媽飲茶，她說：「對我嚟講每日都應該做母親節要做嘅嘢，唔會特別有驚喜，唔需要母親節先嚟送禮物，而家要珍惜多啲相處嘅時間，好多時都係同媽媽食咗飯先，有時會食完飯先出活動。」問到是否要走兩場陪男友媽媽慶祝？Joey表示和男友會各自陪媽媽。

容祖兒表示和劉浩龍各有各忙，不知對方為新戲減磅。

容祖兒 自爆肥到剪開衫