徐濠縈否認婆媳不和
徐濠縈為經理人兼好友鄭紹康(Francis)打響頭炮,亮相奇妙電視《天下第一Friend》節目接受Francis訪問,阿徐由“A餐B餐”、婆媳不和以至和陳奕迅屢傳婚變等坊間傳聞一律有問必答,毫不迴避,認真畀面。
阿徐淡然說:“成日話我哋分手、離婚,慣晒啦,咪由得人講囉,時間係最好嘅證明,即管放長雙眼!”阿徐自言和Eason都是絕少睇新聞的人,更加不會將坊間傳聞拿作茶餘飯後話題。
至於傳聞她下嫁Eason時,陳家曾大力反對,即使嫁入陳門,婆媳關係仍然惡劣?阿徐聞言掩嘴笑道:“我哋結婚嗰陣,米已成炊,包包(二人的愛女)都已經歲幾啦,仲反對?而且我同奶奶關係好好,佢成日買小禮物畀我,又會帶朋友來舖頭幫襯,咁我當然唔敢收佢錢啦,哈哈!”其實屢傳阿徐和Eason不和的主要原因是指阿徐大花筒,阿徐聞言打趣說:“咁要問陳奕迅啦!其實我又唔鍾意買珠寶,又唔買名車,如果以強中弱來釐定大花筒,我只係適中囉!”阿徐頓一頓笑道:“可能佢(Eason)仲大使過我!”
留言