馬國明早知詩詠情變
唐詩詠與洪永城公開承認已經分手,馬國明昨日拍攝《深宮計》時,向傳媒表示自己也是早大家一天知道,他說:“係詩詠親口話我知,但我冇追問原因。(可知詩詠與洪永城分手,是否因為與盧啟邦暗交有關?)我真係唔知,總之詩詠開心就得,佢係好女仔,當然多人追啦。”
詩詠情變後,有網友叫馬國明追求她,對此,馬國明大笑道:“嘩,唔好拉埋我落水啦,真係唔好亂寫。(可擔心與詩詠再傳緋聞?)唔會擔心,(是否向黃心穎派定心丸?)又唔係,只係身為好友,總之詩詠做任何決定我都會支持。(見到洪永城時可會安慰一下?)唔會,因為係私人感情事,聽講佢哋係和平分手,畀多啲空間佢哋啦。”
留言