排骨秋以欣宜為榮
金燦燦皇冠,該戴在頭頂;“秋官”卻把皇冠踩在腳下。七十歲鄭少秋,入行五十周年金禧演唱會,情金!型金!歌金!句亦金——
輪流轉,幾多重轉……隨着歌聲,皇冠形舞台升起,鄭少秋站在其中,伴着火花“皇冠”升至三樓高,打招呼後,降回地面,開場白字字皆金:“係咪好金啊,衫又金,台又金,仲要吊我咁高出場,都咪話唔金。但又型又靚仔,幾金都抵嘅……”秋官感激歌迷和他一起度過五十年黃金歲月,一起分甘同味。隨而勁歌熱舞,一派瀟灑風流。
《天涯孤客》後,秋官講辛酸,“十六歲就有個明星夢,投考過三間電影公司的藝員訓練班都不成功。那時節,觀眾已喜歡小鮮肉,我就冇咩肉,有人笑我半邊人(瘦到半個人份量)學咩人做明星。好彩遇到好老師好朋友……拍《書劍恩仇錄》,一人分飾三角,三、四十度拍外景,頭套除出來時水殼咁口架,仲日日騎馬,騎到嗰度都損晒,人哋八月十五又圓又靚,我就月缺月圓。”
秋官金禧演唱,最震撼亮點,是父女世紀同台。曾有大哥公然指斥,秋官從來沒有盡過父親責任,傳聞他與欣宜沒有來往。台灣傳媒爆料,肥肥離世後,欣宜窮到只剩一百五十元新台幣,云云。後來秋官回應,佢點解唔搵我。佢話,爸爸已經有個家庭要照顧……
秋官唱《誓不低頭》,欣宜走上台合唱。秋官介紹“我嘅乖女,女神!”欣宜說:“Daddy,恭喜你入行半世紀,好多人問我,點解成日叫人‘不要低頭’(《女神》歌詞)哈哈,因為我流住《誓不低頭》的血!”
“乖女,我好慚愧,咁多年來,喺娛樂圈都幫唔到你,你今日嘅成績,係靠你自己嘅奮鬥,I Proud Of You,引以為傲。”父女擁抱惜惜,掌聲中,秋官呼籲“希望支持我嘅朋友,都支持我個女。”乘機宣傳欣宜法國得獎電影《29+1》。父女同心,這“金禧”有幾金得幾金。
欣宜獨唱代表作《女神》:不要低頭,光環會掉下來,你是女神,手裡面利劍不要鬆開,你是女神,不要低頭,光環會掉下來……
高 梁
留言