蔡楓華卅年冤案大白

    “絕對空虛，絕對空虛，無人觸摸似廢堆……”閉着眼都知道是蔡楓華；睜眼一看，怎麼變了像“歐陽震華”？已非昔日“紅唇王子”的玉樹臨風了。他近年忙於走埠，早前亮相無線《流行經典五十年》時，現場還有很多舉牌的粉絲支持。倏然想起“芹菜”名句“刹那光輝，不代表永恆。”他即被豉椒炒……哥哥過身後年年都有追悼活動，健在的“芹菜”，卻驗證了“刹那火滾，惹來今世一身痕。”靚聲金曲果然拔萃，但也許性格決定命運，竟弄至事業不明不滅，似“夜店一個角落裡，獨坐以黑暗作伴侶。”

    “菜”別三日，刮目相看。從沒有退出，從沒有說復出，每次見“芹菜”，歌不變，聲不變，但身體份量愈來愈重了。講好聽啲，擁有視帝的身形。然而對當年被斷章取義，留下永不磨滅的烙印。一言興邦，一言喪邦——當年《勁歌金曲》，張國榮連奪三個獎，蔡楓華氣在頭上，突然一句，“刹那光輝，不代表永恆……”醋意衝天，拍檔盧敏儀即說去廣告，阻止蔡楓華講下去。據講，高層當機立斷，企圖撇清關係。“芹菜”從此性情大變了。“紅唇王子”一語斷米路，後來耿耿於懷。他數度解釋，那時只講了半句就被截斷了。卻原來，《勁歌》頒奬有秘密的，蔡楓華再講，三講——

    “重提舊事，我一點也不後悔，到今日都冇。原因好簡單，唔係呢句說話令我事業咁Down。當日一時激動衝口而出，因為，TVB喺你得奬之前通知咗你；但通知你之後，又話唔使攞，你心中梗有條刺啦！其實當晩我仲有說話想講：剎那光輝唔係永恆，但係，我恭喜張國榮先生能夠攞咗三個奬，希望佢嘅光輝永恆不滅！但，No Money（盧敏儀）截咗我。”盧敏儀後來解釋，對拍檔爆肚，一時不知如何應付。

    “本來仍有機會保住飯碗的……”蔡楓華說：“監製話，如果你講句對唔住，就坐返落去。我話唔使嘞。佢又話要炒晒成班工作人員，我話唔好，一切責任我一個孭晒，跟住我含住淚水離開。以前女朋友嬲得我咁交關，我都冇講畀佢聽。之後，促使我發奮去做好一樣嘢，就係《絕對空虛》這一隻碟。”TVB與蔡楓華的關係，並非所傳那麼惡劣。仍然讓他參加季選，還擔任壓軸嘉賓……

    高  梁