林欣彤拍MV忍尿兩粒鐘
林欣彤為新歌《奇怪》拍MV,製作團隊找來了數十個人形模特兒,讓林欣彤站在中央獻唱、奔跑以及做出種種茫然的表情,以表達那種特有的無奈及迷失感。為了配合導演要求及讓雙腿拍攝出來更修長,林欣彤要在違反人體力學的情況下不斷轉甫士,期間更一度出現被“模特兒”夾住頭髮的情況,不過林欣彤依然全程沒有呻過一句,十分專業。
被問拍MV最辛苦的地方,她竟笑言是“忍尿”:“呢件玉色衫雖然望落好特別、好靚,但其實好蝦人着,為咗防走光,我入面着咗泳衣打底。本身着一件頭泳衣去洗手間已經唔方便,件衫仲要好多綁嚟綁去嘅地方,除完可能要花半個鐘先着得返出同一個效果。為咗唔好阻大家收工,我惟有忍忍忍忍忍。(忍咗幾耐?)可能只係一兩個鐘,但真係度日如年,為咗分散自己注意力,我猛咁同工作團隊討論拍完MV可以食咩好嘢,我都覺得自己好為食,哈哈。”
留言