洲際國家盃睇好波
四年一度的洲際國家盃明晚開打,揭幕戰有東道主俄羅斯鬥大洋洲冠軍新西蘭。這項被視為一八俄羅斯世盃的預演賽,除了測試主辦國就比賽的組織、球場保安等操作外,亦不失球星、大戰供球迷欣賞,同樣精彩可期。
洲際盃由世界盃主辦國、世界盃冠軍及各洲冠軍國家隊參與,即東道主俄羅斯、世界盃冠軍德國、亞洲盃冠軍澳洲、美洲盃冠軍智利、中北美洲冠軍墨西哥、大洋洲冠軍新西蘭、歐國盃冠軍葡萄牙、非洲盃冠軍喀麥隆。八支球隊分成兩組對賽,小組首兩名出線對賽,勝方兩隊會師決賽,負方則踢季軍戰。
縱觀參賽八支球隊,德國、葡萄牙、智利無疑是爭標大熱,雖然德國僅以二隊參賽,紐尼亞、湯馬士梅拿等主力未被召入,仍有達斯拿、基米治、簡恩撐起球隊,從上場友賽大炒聖馬力諾七蛋,足見這支德國二隊同具級數,多名新星值得注意。葡萄牙、智利首次參戰,同樣盡遣強陣出擊,C朗拿度、山齊士、維達爾等球星悉數披甲,實力毋庸置疑。值得一提的是,洲際盃各隊心態始終較輕鬆及交流為主,入球騷經常出現。近兩屆小組賽廿四場比賽,入球超過三球的比賽多達十七場,互相鬥攻的戰情經常出現。比賽大多晚上十一時及凌晨二時開波,球迷大睇好波之餘可以捱少一點眼瞓。
賈大廚
留言