張繼聰時鐘房新見聞
“哈哈哈,香港古靈精怪,地鐵車廂,情侶怎樣愛,隨時做。嘩嘩,情侶走入醫療室,即愛即做……”隨時隨地可做愛?“係呀!”張繼聰老實說,“我親歷其境,還有鄭欣宜……”
看娛樂新聞,進補時代氣息,才不致食古不化。香港的時鐘酒店,乃“走私”聖地,汽車直入帶帳簾的車房,由秘道上房,內有灌水大圓床。常現“波濤洶湧”之狀,不少影片將水床搞笑,又說暈浪,又說漏水……與時並進,影片的時鐘酒店,由上世紀的圓形水床,改設計為車廂和醫療室,“偷情”也有公開做愛般的刺激感了。
新片《西謊極落之太爆太子太空艙》,張繼聰與鄭欣宜演夫妻。蝸居“太空艙”,魚水歡不欲擾人,到時鐘酒店盡情性解放了。
車廂設計的時鐘房,點解有電話嘅?“加鐘都要打電話畀櫃枱!”繼聰一時好像成了老雀。轉到“婦科診所”,拿起聽筒陰陰笑,驗這驗那。“我第一次到訪時鐘酒店!”演員想像力豐富而已。有否報告謝安琪,與老婆分享所見所聞?“唔好多口,以免講多錯多。”
張繼聰表示:“現在佢湊兩個小朋友,好花時間,成家都忙咗好多。”阿聰講起謝安琪與兩個小朋友,眉飛色舞,“所有薪金畀晒太太,佢全權處理。外間向來有個睇法,太太比我有錢好多,我從不反駁,以前係咁,現在係咁,我所有錢都畀晒佢囉……”
張繼聰辛勤的報酬:享受幸福家庭樂。就快百日的囡囡,好好玩,認到人。“女同仔眞係好唔同,個女每朝早見到我都會甜笑,好冧咁笑完,仲會有少女怕醜咁款。(少女笑?)我自己覺得咋。但係,我老婆同陪月阿姨都認為個女對住我的確笑得好甜。正常嘛,親生口架!囡囡笑一笑,外景三十幾度着皮褸開工都冇問題,因為這已係一種動力。”
女兒張靖快“百日”,“會同屋企人食餐飯,都係親戚……”阿聰透露,老友蘇永康以“張靖小朋友”名義捐出一百個愛心盒飯,作為慈善用途。“呢個前輩冇得頂,佢好錫我同太太。”蘇永康個仔亦百日了,何禮相賀?阿聰笑言:“老婆搞掂。”
高 梁
留言