小紅牛輸氣盛
歐洲U21國家盃終圓滿結束,賽前被睇低一線的德國擊敗大熱的西班牙。德國青訓果然名不虛傳,勝者為王,敗者為寇,“小紅牛”唯有俯首稱臣。
球迷若有睇波,應該都認為德國贏波合情合理,一衆小將發揮確比小紅牛出色。小紅牛的技術及名氣可能在德國之上,但德國整體配合更悅目,球員表現具大將之風,攻守有序,踢得揮灑自如。
小紅牛以全勝殺入決賽,被外界一致睇高,正所謂年少氣盛,球員自信心必然爆棚。不過,西班牙在決賽實在低估對手,高估自己,太過着重個人表現而欠缺組織,除開場十分鐘內搶到優勢,之後反被德國主導,小紅牛防線開始被打亂,頻頻出現失誤。
所以對住德國波,千祈唔好先落後,否則要力挽狂瀾實在艱難,無可否認德國足球確屬世界頂級強國。
Ben
足球評述員
留言