結束六年長跑陳柏宇符曉薇拉埋天窗

媒體

分類

新聞

昨日，陳柏宇正式同拍拖六年的女朋友符曉薇，於拍拖紀念日踏入人生另一階段，結為夫妻。在前一晚，陳柏宇特別在網上分享興奮的心情：「最纏綿那些歌，以後也會歸於你我。一世獨霸濃情至極，普通人難以奪下寶座。聽日就正式做人夫，整返首情歌歌詞睇下先！」

陳柏宇和符曉薇拍拖六年，正式於昨日拉埋天窗。

在結婚當日中午，陳柏宇穿上黑西裝配上白裇衫，並戴上黑領呔，與一班兄弟團一起出發。兩人出門時有別傳統儀式，除了沒有為新娘撐紅傘，主花車亦沒有任何裝飾。新郎陳柏宇親自駕駛，與老婆前往九龍灣會場註冊。談到陳柏宇接新娘時有沒有被難到？他表示：「冇難度，累積咗六年經驗，難唔到我嘅。」

陳柏宇與一班兄弟團接新娘，之後就到九龍灣會場註冊。

據了解，在接新娘環節中，陳柏宇讀出愛的宣言：「家用幾萬閒閒哋，幾萬梗係唔夠佢洗，因為我同大家講，佢嗰幾萬蚊唔係自己使.，係用嚟救濟扶貧嘅。」另外，在玩新郎環節的其中一項，就是有一班姊妹拿出一碟鹹竹蜂，而且加上日本芥辣，真係睇見都得人驚！

陳柏宇宣讀「愛的宣言」過後，就被新娘符曉薇嫌太長氣。符曉薇說：「我都有畀佢感動到，不過佢好長氣，講咗好耐，而佢接新娘時唔夠辛苦。」對此，陳柏宇笑笑口說：「將來仲有大把機會。」其後，陳柏宇與符曉薇登上座駕前往會場，兩人表示：「呢程係我哋最期待嘅一程車。」

結束六年長跑 陳柏宇 符曉薇 拉埋天窗