緋聞男女齊受訪
展鵬文柔只認了解中
陳展鵬與二○一六年落選港姐單文柔繼三月被拍到摸黑駕車到山頂談心後,早前兩人再被發現到餐廳甜蜜撐檯腳。昨日,二人齊出席活動時,徇記者要求大方合照,並齊齊接受訪問,兩人雖然否認已經相戀,但皆表示正在互相了解中。
昨日,陳展鵬、曹永廉、姚子羚、黃智雯、田蕊妮、單文柔等逾六十位無線藝員,齊出席“Amazing Summer”記者會。陳展鵬與緋聞女友單文柔成了傳媒追訪目標。二人亦大方接受訪問,但仍未肯承認戀情,只表示大家仍在互相了解之中。
記者問陳展鵬,單文柔可是他心目中理想女友的類型?他承認是,又笑言:“只要係女仔就得,因為阿媽最怕我鍾意嘅唔係女仔。(可想與單文柔合作拍戲?)我都想。(有報道指單文柔已見過你媽咪?)好多藝人朋友都見過我阿媽啦,仲一齊食過飯。(你們是否真的拍拖?)畀啲空間啦,佢話大家了解中,我就話大家認識中。總之,希望大家多啲留意我哋嘅工作,而唔係緋聞,佢仲係新人,太多花邊新聞唔係咁好,會對工作有影響。”
早前單文柔被指腹部微隆,已經懷孕,昨日她澄清道:“可能因爲肥咗啲,先至被人誤會我有咗,睇嚟都要減肥先得。(你與展鵬點都唔認拍拖,是否想地下情?)我冇考慮過呢個問題噃。都係嗰句,我哋互相了解中!”
另外,談到胡杏兒懷孕之事,姚子羚和黃智雯坦言好期待杏兒的BB出世。黃智雯又爆杏兒平日都會健身做運動,現在懷孕了,可能會改做一些孕婦瑜伽。曹永廉最近在音樂節目中跟蕭正楠合唱大獲好評,他坦言好期待有機會和蕭正楠再次登台,又希望能夠一起開演唱會。
留言