兵工廠起革命
今日講吓英超豪門阿仙奴近期的轉會。兵工廠上季跌出前四,痛失歐冠盃參賽資格,執教超過二十年的雲格幾乎要“下崗”。保住帥印再獲續約的雲格今季必須改變策略,一於大灑金錢招兵買馬增強實力。
重磅的第一簽,傳聞以五千萬歐元從里昂買入射手拿卡錫迪,五千萬歐元已打破隊史最高轉會費紀錄,超越奧斯爾的四千二百五十萬鎊。呢位法國國腳入球效率相當高,上季在里昂上陣四十五場共入卅七球,屬高質射手,不過值唔值呢個價?就要睇在英超表現如何。雲格的第二目標係前季協助李斯特城勇奪英超的阿爾及利亞國腳馬列斯,轉會費未傾好,但既然係“狐狸幫”重要核心球員,肯定會提高價錢。
其實講來講去,雲格重點收購的始終係摩納哥當紅炸子雞麥巴比。據聞兵工廠已開價一點二五億鎊,成事的話,阿仙奴今季的確會大變天。
足球評述員 Ben
留言