洪都拉斯博“大”霧
美洲金盃賽踢到分組最後一輪,A組兩戰一和一負的洪都拉斯火併加拿大,洪都拉斯許勝不許和,否則將緣盡今屆美洲金盃。
兩戰零得球的洪都拉斯今仗必加強火力,一於有前冇後,誓要殺出血路。加拿大一勝一和,只要一分可穩入八強,上場能守和哥斯達黎加超好彩,全場只得一次中目標,只靠一招穩守突擊守到最後,今仗能否守得住洪都拉斯狂攻,防線必受考驗。初盤平手,捧爭勝決心較強的洪都拉斯“大”得起。
洪都拉斯“衰衰地”都係中美洲國家盃冠軍,始終具一定實力,陣中的費古爾路亞與加西亞大戰經驗十足,今仗重要關頭相信起到作用,只要前線能把握埋門一腳,有望贏波衝入八強。
加拿大踢出超新星,十七歲未夠的戴維斯兩場入三球成最大殺傷力武器,洪都拉斯大舉進攻之餘,亦要以防萬一,不過前提先要攻陷對方大門取得先機。
推介:洪都拉斯1:0
足球評述員 Ben
留言