曼城以本傷人
曼城以五千萬鎊簽入英格蘭國腳獲加,繼門將艾達臣與B施華後的今夏重金第三簽,藍月亮又再以本傷人。上季四大皆空,哥帥面目無光,新一季肯定要發圍,以目前基本班底及人腳,實力當然屬於英超爭標熱門,但又要應付歐冠,相信哥帥仍會繼續招兵買馬增強後備力量。
曼城上季最大致命傷在防線,卅八場聯賽失卅九球,以爭標強隊嚟講絕對唔合格,所以新季必須重組後防。事實上曼城中前場兵強馬壯,但防線兵源有限,即使有獲加加盟,真正後衛只得六名,後防有必要重整旗鼓。
哥帥本想簽入巴西老將艾華斯,惜被聖日門截糊,唯有轉移目標,摩納哥守將文迪係不二之選。呢位法國國腳轉會費達四千萬鎊,曼城若成事,今夏轉會支出接近二億鎊,錢能否令哥帥揚威英超?要睇過先知。
足球評述員 Ben
留言