蝦頭爆料娛樂大眾
遭三位儍兮兮男臣突襲,“蝦頭”楊詩敏好享受!“多謝無線照顧,難得的福利……”熱話火上加油,“蝦頭”網上播片說:“男朋友日日帶我餐室‘射’……”
《極品男女》專頁,蝦頭與男朋友兼經理人邵子風擠在鄉土風味餐廳角落,侍應大娘問:“射口的乜呀?”“射?呢度有乜射呀?”蝦頭搲頭。大娘殷勤介紹,“呢度可以射……朗送、山送、世送……”蝦頭一頭烟,邵子風鄉音轉粵語:“阿姐係講兩餸、三餸、四餸。”蝦頭啼笑皆非後,清醒地落單。大娘覆述一次,“勿演、淆演、鋼演。”邵子風翻譯:“墨丸、牛丸、貢丸。”做生意各師各法,許多顧客幫襯,欣賞家鄉風味外,還有別一樣的風景線,好似返到家鄉,侍應鄉音無改,落單時好似聽笑話。邵子風落單後大娘照例覆述:佳肉(鷄肉)、懶肉(腩肉)、炸狀(炸醬)、畜生(竹笙)……笑餐飽亦嚇出冷汗,吃碗米線而已,懶肉、畜生都出埋。
味是故鄉濃,“蝦頭”吃得滿意,學大娘口音對男友講,“BB,你要多啲帶我嚟射呀。”邵子風吐米線回應:“我日日都同你嚟呢度射(食)!”網民大讚抵死,此非現場實錄,乃經過戲劇加工的惹笑花絮,還大讚扮大娘的演員好戲。
蝦頭與邵子風,自稱“極品男女”,有片為證,分分鐘電聯——邵子風電話冇電,朋友們就頻頻接到蝦頭來電,甫看顯示,順手交邵子風。蝦頭劈頭就問,點解唔打電話畀我;邵子風照例話“冇電”……“蝦頭”哦完一輪,收線前一番關切,“OK,唔阻你哋男人傾偈嘞。”不旋踵,茶敘中另一位朋友又收到蝦頭電話,“冇呀,睇吓你係咪同阿堅一齊之嘛?”其實,早已打咗一輪,有冇必要打第二輪呢?蝦頭收線前,還要男友錫啖先。邵子風應命錫落部電話度,朋友睇見眼冤,愛得更冤氣還在後頭呢……
邵子風錫完電話,飮啖茶,侍應又叫聽電話——“飲凍檸茶冇益口架。”邵子風彈起,“蝦頭”有千里眼?東張西望,赫然“蝦頭”坐在餐廳裡面,嚇到眼都凸埋——世人有福了!娛人新景氣,自爆娛聞去娛樂粉絲……
高 梁
留言