澳足青訓仍需努力
亞洲盃U23足球錦標賽明年在中國進行決賽周,澳門代表隊剛在越南踢完外圍賽,結果三戰全敗共失廿五球,十組中失球數排名“冧把溫”。
其實勝敗乃兵家常事,輸波亦屬意料中事,始終本地足球水準仍屬業餘,踢國際賽事志在參與。不過踢到一敗塗地,相信本地球圈亦較難接受。
近十年八年,澳門足總積極提升本地足球水平,落實唔少計劃,包括之前聘請過國際級教練,組成各年齡組別梯隊,定期訓練及增加與外隊交流比賽,甚至為提升本地球證執法水平,亦搵“外勞”擔任,但實際成效有幾多?澳門足球水平又提升到甚麼水平?的確見仁見智。
無可否認,澳門足總近年投入不少資源與工作,亦有唔少熱血球圈人士付出精力與熱誠,惜只有四個字“有心無力”。要澳門足球突飛猛進談何容易,但最重要係各方配合,甚至係比賽球員及睇波球迷,都要不斷努力,多給支持與鼓勵。
足球評述員 Ben
留言