兩齣校園清新電影
今時今日男女老少都鍾意追韓劇,連K3細路都識Big Bang,可見韓風魅力已風靡三歲到八十歲,但鮮有機會睇到一些韓國小清新作品。八月有齣韓國影展片叫《女孩青春紀事》(The World of Us)在文化中心上映。導演是被譽為短片影展常勝軍的允佳恩,她曾經憑短片《豆芽》獲柏林影展最佳短片獎,《女孩》是她首次執導的長片,更加備受注目。去年參加國際間的影展獲得多項提名同獎項,絕對有“好片”的保證。取材自個人真實經歷,《女孩》描繪韓國小學生面對校園欺凌的故事,但同時暗喻成人世界的現實。聽說幾位小演員是在百幾人裡海選出來的,生動而且充滿稚氣的演出其實有時好睇過好多大人演戲。
另一齣作品是德國老牌導演兼作家Sven Unterwaldt
Jr.的青春校園狂想喜劇《弊傢伙!校長縮細咗》,聽個名就知道是輕鬆笑片,同上面介紹果套《女孩》完全唔同風格,故事線已經係戲名話咗你知,內容是講述校長唔知點解縮細咗,要同主角一齊生活返學但唔畀得人知,又要一齊去揭發一些陰謀而發生的趣事。兩齣戲在八月頭尾各播兩場,詳情可留意文化中心網頁。
拉 華
留言