當懷舊變成潮流
“唉,打波先來落雨,唔通連個天都唔鍾意我?”“即刻轉身射個三分波!”仲有“攻呀攻,快搶攻,射呀射,射它吧!”等等耳熟能詳的電視廣告同卡通片主題曲,相信好多朋友睇到這段文字有聲有畫面,都係廿幾年前港澳居民的集體回憶吧?
時間過得真係快,社會發展得快,唔通舊事物就被淘汰就冇得留低?但依家潮流反而興懷舊,好多舊玩具店、懷舊茶餐廳、舊電影、舊CD回潮,八月十至十三號在文化中心有個裝置互動劇場《歲月 · 童 · 聲》,就以這類七、八十後童年集體回憶、遊戲、玩具同舊物作招徠,讓人們懷緬一下童年時光,更展出唔少童年“寶物”,在演出過程讓觀眾大過手癮。
一般表演都係觀眾同表演者分開各有各空間、河水不犯井水卻比較有隔膜;這個演出獨特之處係冇得坐定定,要觀眾一齊參與,可以玩埋一份。雖則不是甚麼新嘗試,但創作者今次專門製作了一個可以親子一同參與的版本,目的係希望大人細路放下手機同電子產品,嘗試一齊玩以前要一班人面對面一齊玩一齊大笑的遊戲。或者,舊物件亦可以勾起你一絲童年回憶,睇完表演後走去約埋班童年玩伴聚吓傾吓童年往事,都係一個唔錯的節目。
拉 華
留言