李彩華十月開迷你個唱
李彩華(Rain)前晚亮相《流行經典50年》的錄影,並獻唱其經典歌曲《你唔愛我啦》。她表示雖然十多年沒有在無線獻唱,但平日也有操曲及有登台養家。
問十多年冇唱可感到緊張?Rain笑謂:“唔緊張,唱得一首歌,平時都有Keep住唱K,但唔係唱自己歌,係唱別人的歌。(有冇唱畀男友何遠恆聽?)冇,自己就會唱來回味。”Rain透露當晚男友陪她前往彩排,還讚她唱得好過以前。
Rain表示已有十二年沒有出唱片,想再出唱片,但好歌難求,但十月會在旺角開一場演唱會。問到屆時會否再以黑絲造型上陣?她笑道:“會,魚網黑絲之類啦,(歌衫會好性感?)寫真集程度,除咗件雨褸好似冇着咁,好激烈!(怕唔怕男友唔畀?)唔係咁睇唔開呀?我係為藝術犧牲。”
留言