與陳佳同遊美國
鄭煩喜會偶像梁詠琪
藝人鄭煩是澳門電台節目《靚太好易做》的節目主持,亦是澳門演藝界公開活動常見的熟面孔。早前她與歌手陳佳(Bobo)去美國旅行度假,十日的旅程中,兩人玩盡環球影城和荷里活、盡嘗當地美食,以及一起去欣賞梁詠琪(GiGi)的演唱會。
原來兩人識於微時,當時鄭煩是本地音樂記者,陳佳是剛出道的歌手,澳門音樂這個圈子把她們的友誼拉在一起。兩人同樣熱愛旅行和攝影,今次美國之旅非常開心愉快,回來後就在節目中受訪分享當地所見所聞。
作為電台DJ的鄭煩,為了準備優質的電台節目內容,放假時也毫不鬆懈,在美國更訪問擔任梁詠琪廿周年巡迴演唱會的香港著名音樂總監Johnny Yim,三人順勢暢遊美國。她說:“我哋計劃好整個行程後,得知GiGi演唱會同期在美國舉行,真係超級興奮呀!我同BoBo都係佢嘅死忠粉絲,剛好BoBo好友Johnny係是次演唱會嘅音樂總監,於是先會合Johnny遊玩,再去支持GiGi。”
為了給GiGi一個難忘且能細味的回憶,鄭煩和陳佳決定親自製作一份禮物。鄭煩表示:“我哋想送能讓佢細味又有意義嘅嘢,就構思自製一個回憶爆炸盒給她,一打開禮物盒就有好多GiGi出道二十年來幕前的‘side A’和婚後幸福美滿的‘Side B’照片。”爆炸盒中包含不少GiGi的閃卡,鄭煩花了幾個星期時間在澳門所剩無幾的閃卡舖找懷舊閃卡,終於被她撈到海底針。她說:“禮物親手送到GiGi手上一刻,感覺真係好夢幻又緊張,睇住佢好仔細咁慢慢欣賞,睇到囡囡Sofia同家庭照時仲話很感動好鍾意,返去要同老公一齊分享呢份禮物呢!而盒中亦有一個手工製音樂盒,放咗一首GiGi嘅歌,佢親手攪動後才知道係《灰姑娘》。我可以在旁一路向佢講解呢份心意,超級開心!完全冇唸過可以同偶像走咁近。我亦希望澳門音樂圈子他朝可以發展成咁樣,同樣有一班好崇拜、好忠實嘅粉絲,會為見偶像飛去好遠嘅地方支持澳門歌手開騷。”夢想成真後當晚回酒店,鄭煩興奮得整晚都睡不着呢。
文:白石悟
留言