巴塞搵尼馬接班人
尼馬轉投巴黎聖日門經已塵埃落定,對巴塞鋒線確嚴重削弱。不過,收入超過二點二億歐元,巴塞有大把銀両揾尼馬替身。
據聞巴塞目標直指多蒙特新星奧士文迪比利,且已向“黃蜂兵團”報價一億歐元。如成事的話,相信對巴塞百利而無一害。
阿Ben個人認為,奧士文迪比利比起之前有“新亨利”之稱的麥巴比更具潛力,呢位法國新晉國腳只二十出頭,正處於最當“弗”時期,上季在多蒙特表現相當出色,除個人技術外,邊路突破能力與速度兼備。且助攻創造性亦屬強項,最佳拍檔奧巴美揚能成為上季德國神射手,亦要多得奧士文迪比利提供七次助攻。呢位“黃蜂兵團”絕對主力,更奪得上季德甲最佳新星及最佳陣容之一。
巴塞鋒線的確要加強火力,美斯與蘇亞雷斯已過三十,艾卡沙成為唯一替補。至目前為止,巴塞前線仍未有重大收購,要在新賽季重整旗鼓,係時候需要加入極具份量及年輕化球員衝擊球隊。
足球評述員 Ben
留言