為搭順風車,卻變成連環燒車。華大新村第三街近海南花園燒車案,涉案者
因為無頭盔用,諗住順手牽羊,燒斷掛在其它電單車箱外的頭盔繩,偷走頭盔離開,結果留下火種,一發不可收拾,燒毀三部電單車,大火更波及旁邊兩部汽車及一間店舖,多得你唔少!呢鑊嘢真喺又要威,又要戴頭盔。兩名涉案者返內地去威完回澳,惟得一架車一個頭盔,趁夜半無人,做出鼠竊狗偷之事,原本已經違法,現在更是罪加一等。
一時無心之失,隨時釀成大錯。或許涉案者勢估唔到偷個頭盔戴吓,竟然引發一場火災,連人架車都燒埋。回歸前後燒車案頻生,情況一度相當嚴重,甚至危及到居民生命,之後這類刑事犯罪絕跡了一段長時間,社會也得以安寧。不過近年,燒車案好似有回升跡象,但涉案者動機有別於以往,可以話變得更無厘頭。遠的不說,上月,就有一名菲律賓籍男子因為醉酒,糊里糊塗,隨手點燃衣物,燒毀多部電單車。
對上更嚴重的一次燒車是發生於去年底關閘附近,一夜間近百部鐵馬陷入無情火海,瞬間燒剩支架,烈焰沖天,波及附近店舖和學校,現場一片狼藉,受影響店舖生意做不成,還要花費重新裝修,損失慘重,學校更因此被迫停課一天。事件就是因為一名途人經過時隨手將未弄熄的煙頭丟喺馬路,結果燒著紙皮,釀成巨大火災。但幸運多次燒車,均無造成人命傷亡,但難保下一次。公德故然之重要,火種處理同樣要緊慎,更唔好貪得意,以身試法!
山草
留言