今日是善豐花園「爆柱」事件五週年，雖然政府經已批准善豐花園拆卸重建，但因檢察院代表政府向4間涉事公司包括善豐花園及傍邊「蘇豪薈」的發展商及工程公司提出司法訴訟追回公帑，需要對大廈進行司法鑑定。鑑定拖延至今已有一年多，但仍未有結果。約60名善豐花園小業主晚上回到大廈門口聚會。善豐花園管理委員會主席黃敏生受訪時促請政府與檢察院向小業主交代司法鑑定的進度，「究竟發生咗乜嘢事？點解咁耐？出現咗咩問題？仲要搞幾耐先可以畀我哋動工？」
黃敏生表示，善豐管委會曾於今年4月約見檢察院，了解檢院的蒐證程序如何進行。當時檢察院回覆已完成大部分工作，但仍須按法律程序進行，可能還需要一段時間才能完成蒐證工作，暫時未有完成蒐證的明確時間表，「但而家睇落並唔似佢（檢察院）當初所講嘅，因為按當初所講，而家應該有個結果，最起碼蒐證已經完畢。」他亦指，自4月與檢察院會面後，檢察院未再向管委會或小業主交代蒐證、鑑定的進度，「我哋估唔到要等咁耐。」
黃敏生亦指，善豐花園的重建工作已準備就諸，「我哋開咗標，承建商已經確定好，只係等檢察院完成蒐證就可以動工。」但他亦指，在重建集資上，銀行要求管委會具備完整的財務計劃，才會貸款給小業主，而財務計劃的其中一部分是江門同鄉會所墊支的六成重建費用，「但同鄉會嘅資助而家係未到位，甚至連計劃都未畀到我哋，我哋要去拜會同鄉會，請教佢哋，先可以做到財務計劃，等銀行貸款畀小業主。集資成功先可以重建得到。」
善豐花園經歷五年仍未能重建，黃敏生坦言，小業主的心情仍然十分沉重、悲哀，「我哋有個家園，好哋哋嘅，點解會出現咁嘅事？點解呢件事發生五年，今日我哋依然企係大廈門口，睇見佢爛溶溶？」他亦指，在政府與4間公司的司法訴訟當中，小業主既非原告亦非被告，但卻是利益損害最大的一方，「點解係呢種情況下，我哋唔知道自己嘅命運，遇到啲乜嘢。」強調小業主現時只希望儘快動工、儘快重建。但他亦感謝政府在計劃重建期間給予小業主很大的幫助。