宣萱因演出TVB熱播劇集《不懂撒嬌的女人》人氣急升，工作量大增之餘，更獲網民捧為視后大熱。對此，宣萱坦言得到觀眾肯定十分滿足，自己亦將該劇視為代表作，但她直言愈熱門愈未必得獎，所以不會太緊張，一切以平常心對待。宣萱透露TVB會開拍《使徒行者3》，自己會否接拍要看對手：「陳豪喺戲入面死咗，而家最想同張智霖合作。」

宣萱憑《不懂撒嬌的女人》獲網民捧為視后大熱。

宣萱因演出《不懂撒嬌的女人》人氣急升，工作量亦大增。

日前，宣萱和黎淑賢、Ana R.一起出席護膚品牌公開活動。以一身白色清新打扮現身的宣萱，表示現時盡量要保持靚樣，她笑言一定會被人拿來和舊相作比較：「而家有得休息就休息，做多啲面部療程同敷面膜，都會堅持做運動同通淋巴。男人就唔使咁麻煩喇，男人嘅好處就係變成點都冇所謂，只會更有男人味，但女人唔得。」

宣萱表示現時盡量要保持靚樣，笑言一定會被人拿來和舊相作比較。

鮑起靜不介意陪跑，坦言看好宣萱有機會攞獎。

視《撒嬌》為代表作

談到被外界一致看好她憑《不懂撒嬌的女人》再度角逐視后，宣萱多謝大家支持，但她覺得結局永遠有驚喜：「愈熱門愈未必中，平常心，唔係太緊張，有獎攞係開心，攞得嘅都係花咗好多心機。」問到是否對自己有信心？宣萱表示：「有機會嘅，25年演藝生涯，我都覺得呢部算係自己嘅代表作，而家喺街上啲人都叫我Mall姐，係滿足同滿意。」

宣萱視《不懂撒嬌的女人》為其25年演藝生涯代表作。

拍劇貴精不貴多

宣萱坦言完全沒有想過該劇迴響及收視都這麼好，問到今年會否拍攝新劇？她坦言會繼續和TVB合作，但貴精不貴多，視乎團隊和對手才會接演：「除咗角色、團隊，對手都好緊要，而家追求開心，夾唔到好困難。」宣萱透露會再開拍《使徒行者3》：「會開第三集，上一集因為同陳豪合作，亦係我參與嘅其中一個原因，但佢喺戲入面已經走咗，除非佢翻生。」

宣萱透露TVB會開拍《使徒行者3》，自己會否接拍要看對手。

點名想同張智霖合作

問到是否考慮接拍其他劇集，宣萱坦言要看對手。問到最想和哪一位演員合作？她直言：「張智霖，仲有古天樂，不過古天樂唔會睬我。（叫古天樂開戲畀你？）睇吓啱唔啱，今年無論係網劇、電影同電視劇咩都會試。」講到《尋秦記》電影版，宣萱表示十分期待：「有啲緊張，咁多年冇同古天樂合作，唔知感覺係點？古天樂好有信心，佢等到劇本有把握先會開，係值得等嘅。」

講到古天樂開拍《尋秦記》電影版，宣萱表示十分期待。

如果有機會，宣萱期待和古天樂再度合作拍劇。

萱萱透露最想和張智霖合作拍攝新劇。