麥玲玲力撐陸永冇事
麥玲玲前晚出席活動,身為組合“農夫”好友,她被問到有傳陸永日前因在頒獎禮上窒阿叻,事後即時被人“照肺”一事,麥玲玲表示當日陸永有打過電話給她,但她錯過了電話。
麥玲玲指今年娛樂圈旺高大的人,若然“農夫”兩個只能活一個的話,陸永一定沒事。是否即是說C君死梗?麥玲玲笑笑冇回應,便扯開了話題。問到陸永今年面相是否招惹是非?麥玲玲笑指陸永沒有問題:“佢冇事,會頂得住,佢同阿叻兩個成日亂噏廿四,唔使認真,我絕對相信冇人會同佢哋認真。阿叻有時都玩我,笑我咁都會有人娶,黃杏秀就會打佢。”
麥玲玲又開心地透露年底拍了幾個廣告:“原本有些是同農夫一齊拍,但他們開價太高,令到我都冇得做。我懷疑最後只搵了他們拍,希望他們可以減少少。”她又大爆兩人要她派一層首期的新年利市,“十分之狼,所以過年唔見他們了。”
留言