巴士奪命車禍惹關注   十餘散工司機被解僱

    車長開快車結難解

    【本報消息】本澳上月發生奪命巴士事故後，交通局要求停用“散工司機”。當局回覆指最終有十數名司機被解僱。公共巴士職工總會副理事長鄭華章不認同“散工等於生手”的說法，重點在安全意識及恆常培訓。指出“開快車”由公司制度及部分司機的心態造成，死結難解。

    符要求司機已復工

    上月俾利喇街發生巴士致命交通意外，五車追尾、六旬婦枉死。由於涉事司機是另有正職的散工司機，交通局要求停用三十名每星期開工不足四日的“非長期服務司機”，待巴士公司檢視司機經驗後或可復工。

    事隔個多月，交通局回覆本報查詢三十名散工司機的復工或解約情況時表示，符合要求的司機大部分已復工，部分轉為全職車長或正待安排。餘下十數人因有正職且未能確保充足時間休息、曾有交通意外記錄、其他紀律問題等，公司已終止僱用合同。

    加強防禦駕駛意識

    入行二十載的鄭華章證實上述情況，表示巴士公司要求兼職司機每周必須工作六天（每天四小時），否則不聘用。他原本亦是兼職司機，現時轉為兼職培訓車長。他並不認同當局的決定，“佢認為車長唔熟悉架車嘅性能，咁有時一日換幾部車嘅車長呢？”俗稱“飛機位”的替更司機，雖為全職工作，但每日駕駛不同的巴士及線路，同樣冇問題。關鍵是司機駕駛時有沒有留意路面情況、有否接受更深層次培訓。

    “駕駛技術永遠冇最好，只能更好。”他主張應通過恆常培訓，加強司機的防禦駕駛意識，“要注意周圍、路口啲車，人哋嘅反應，會唔會突然有人跳出嚟？會唔會有車突然衝出嚟呢？冇錯，你可能會贏，但唔係你贏嘅問題，係避免交通意外。”

    他表示，其任職的巴士公司今月邀請教車業職工會等為車長講解駕駛態度及防禦駕駛，相信會繼續有關培訓。

    前車快後車壓力大

    市民常見巴士司機開快車，三家巴士公司否認要車長趕班次造成。鄭華章指出，當中涉及多種原因，甚難解決。首先，發車間距已恆定，公司並無安排司機每轉車之後的停留時間。若塞車超時，回總站後便要“即走”，最多只能藉上客時間解手。“由開工到收工，叫公司畀休息時間你係冇可能嘅事，最多依照勞工法，每五小時安排你半小時休息。你行慢啲就夠鐘，變咗要行快啲。”

    當駕駛時間越長、休息時間越短，自然會有司機開快車。他提到，若前一班車的司機開太快，後一班司機便“遭殃”。“前面架車走得快，你就會走唔郁，因為每個站都多咗乘客，上落就慢咗，跟住你就做‘大隊長’，幾部車跟住你返嚟。你有壓力，阻住人哋食飯，係唔係變咗你要快？”

    個人駕駛態度重要

    如何確保安全駕駛、巴士準點，司機又有合理休息時間呢？鄭華章坦言無解，“公司畀多啲時間，有啲司機就嗱嗱聲返嚟，坐四、五個字。”十隻手指有長短，若每位司機均小心駕駛、準確埋站、等待趕至的乘客，則相安無事，唯非人人如此，“有啲司機唔同你諗，搏命偷雞，提前開、靠左轉右、靠右轉左，咁咪快咗、有時間唞。後面嗰架就慘囉，做咗‘大隊長’，畀人鬧咁耐都冇車，話你手車唔得。公司就話你拖車、影響運作，‘點解個個都做到你做唔到？’”

    為了市民的生命財產安全，除加強培訓外，鄭華章認為巴士公司應提供鬆動時間，亦應有獎有罰，確保安全駕駛，“要明白揸住架車，有幾十條人命喺手度，唔係時間嘅問題，造成一個人死亡影響好大，影響成個家庭。”