「第12屆亞洲電影大獎」於澳門圓滿閉幕，緊接著是「香港電影導演會」舉行周年晚宴暨頒獎典禮，頒發多個電影獎項，以歌頌一眾在去年表現出色的電影人。古天樂（古仔）繼「亞洲電影大獎」中，憑《殺破狼．貪狼》首奪影帝後，延續氣勢再度封帝，可喜可賀。影后則由毛舜筠及鄧麗欣，分別憑《黃金花》及《空手道》奪得，導演許鞍華執導的《明月幾時有》獲頒最佳電影。

古天樂不足24小時內兩度勇奪影帝寶座，實在可喜可賀。

現年47歲的古仔於1993年加入TVB踏入娛樂圈，參演的電視作品至今都為人津津樂道，2000年開始他將重心轉向影壇，可惜一直與影帝寶座無緣。在「亞洲電影大獎」一嚐影帝殊榮後，古仔於「香港電影導演會周年晚宴暨頒獎典禮」再度封影帝。在上台領獎時，他表示：「我以前好鍾意自己嘅世界，所以一直活喺自己嘅世界，慢慢就整咗個自己嘅世界出嚟，呢個就係一個天下嘅世界。」

對「金像獎」平常心

問到今次再下一城，對香港「金像獎」會不會更有信心？古仔說：「唔諗太多，保持心情輕鬆，總之演員就演好套戲，後面嘅嘢交畀上天安排。」問古仔家人對他日前首度拎電影獎項的反應，古仔表示：「兩位老人家拎咗下個獎，話好重，之後就雙雙返入房瞓。我自己見佢兩個瞓我又跟住瞓，真係好眼瞓，今晚返到去都係即瞓，聽朝一早又要繼續做嘢。」

再被邀上台唱歌

問到是否要等埋「金像獎」一次過慶祝？古仔笑言：「呢啲唔使等埋，見到好多朋友，其實都係一個慶祝，同埋我都收到好多短訊，好多謝大家。」有記者笑問會不會上台唱〈今期流行〉慶祝？古仔聽聞抗拒表示：「噓！講啲咁掃興嘅嘢。（如果劉偉強會長想你唱呢？）唔好喇，唔好搞到個場面咁冷清，大家食到飽飽地想嘔就唔係咁好啦。」在晚宴尾聲，古仔和吳君如、楊千嬅等一齊合唱了〈一生中最愛〉，現場嘉賓齊齊起哄。

古天樂於「香港電影導演會」再下一城稱帝。

古天樂於《殺破狼．貪狼》中的表現，獲外界一直激讚。

毛舜筠鄧麗欣分獎

古仔在短短24小時內兩度勇奪影帝，影后因出現同分，由毛舜筠及鄧麗欣共同奪得。毛舜筠對「雙影后」表示非常神奇：「我一直認為贏就係贏，唔會差一票。我個人太公道，因為老公唔喺香港，我唔可以自私幫佢投票，雖然我知佢一定會投我，因為冇諗過只輸一票，點會係一票？當然，一齊贏更加開心。」身旁的鄧麗欣聽聞尷尬笑言：「多謝你冇投嗰一票。」

毛舜筠及鄧麗欣分別憑《黃金花》及《空手道》獲得雙影后。

古仔唔夠高演呂布

雖然一連奪得兩個影帝，但工作爆晒期的古仔未有時間慶祝。出席完頒獎禮後，他拍住老闆蕭定一等出席遊戲《真．三國無雙》真人版電影宣傳活動。古仔坦言從小就是遊戲的粉絲：「由細打到大，呂布最好打，又高人一等，我要去增高。」問到在導演會上再度高歌，他表示：「大家開心，氣氛好好。（會唔會唱開有癮？）我都唔想?，咁佢哋叫我唱嘛，最驚大家覺得難聽，希望大家多多原諒。」

古天樂憑《殺破狼． 貪狼》於「亞洲電影大獎」首奪影帝殊榮。

許鞍華執導的《明月幾時有》獲頒最佳電影。

出席完頒獎禮後，古天樂忙於為新戲宣傳。