四年一度的世界盃上演冠軍戰，由法國對克羅地亞一役全球矚目。全球名人明星蜂擁至莫斯科欣賞決賽、英皇老闆楊受成親自率領旗下藝人容祖兒、謝霆鋒及蔡卓妍（阿Sa）等人前往當地觀戰。劉嘉玲、劉浩龍（師兄）、台灣女星吳佩慈等抽空到現場睇波，令當地變得星光熠熠。 （文：植筱詩）

容祖兒和蔡卓妍等人前往俄羅斯，一同觀戰世界盃決賽。

身穿法國隊波衫的楊受成，原來相約阿里巴巴集團創辦人馬雲睇決賽，現場馬雲更和祖兒、霆鋒同阿Sa大談波經。事後，祖兒於facebook分享眾人合照，包括和霆鋒一起開餐，和阿Sa及楊受成一起三人搞笑合照，相中還見祖兒和阿Sa臉上畫上法國國旗，身體力行撑心水球隊奪冠，相當開心。

（左起）英皇老闆楊受城、容祖兒、馬雲、蔡卓妍和謝霆鋒大談波經。

容祖兒和蔡卓妍臉上畫上法國國旗，身體力行撐心水球隊奪冠。

祖兒拍片撐法國隊

在決賽現場，祖兒和阿Sa高舉印有France字樣的毛巾為法國打氣，與場內的球迷一同感受熱烈氣氛。祖兒更拍攝短片上載於facebook和粉絲一同分享，而阿Sa則發文表示：「同啲大人去睇波，預早了很多時間到場，所以一點都不擠擁不混亂，天氣剛剛好，可以感受到狂歡前的平靜，兩小時後又是完全另一回事，實在是太好的經驗。我愛法國。」

嘉玲遠赴當地觀戰

最近忙於籌備舞台劇的劉嘉玲亦遠赴當地睇波，更在景點前影靚相留念。俄羅斯有霆鋒，又有嘉玲，未知跟兩人關係密切的王菲可有同行？而屢傳與祖兒復合的師兄同樣身在當地。與明星足球隊全程食玩買的師兄，似乎對魚子醬情有獨鍾，而他亦偷閒做Gym保持身形。難得師兄與祖兒「同場」， 不少網民當然也關心兩人會否趁機「拍拖」？

劉嘉玲亦在百忙之中抽空到現場睇波。

汪明荃睇波好避忌

今屆世界盃ViuTV搶贏TVB收視，更力邀曾志偉臨時「過檔」，以明星足球隊嘉賓名義現身講波，汪明荃也夫唱婦隨，跟老公羅家英看總決賽。出發當日，阿姐以「保命三招」不接受訪問、不貼宣傳貼紙、避與Banner 合照， 減低激嬲「方丈」可能性。不過抵達當地後，阿姐心情雀躍，興奮集郵，並將旅遊相片上載到微博，相中見到她除了跟團睇波外，亦與羅家英到處觀光。

汪明荃也夫唱婦隨，跟老公羅家英前往當地看總決賽。