（錢嘉樂、湯盈盈夫婦，阮兆祥等圈中好友前來捧場。）

（李亞男產後首度出席活動支持王祖藍，她大讚老公有才華又有型。）

對於首執導演筒，邀得接近60位演員參演，祖藍表示：「今日好多謝咁多嘅朋友嚟到呢度撑場，無論係有喺套戲出現嘅、還是係特登嚟嘅朋友，都多謝晒你哋。因為我今日好緊張，好需要大家嘅支持，我先至可以輕鬆啲。」談到周星馳執導的《新喜劇之王》亦在賀歲檔期， 勁敵眾多有沒有信心，祖藍表示電影市場百花齊放是最好的，又趁機為新戲宣傳：「不過歌舞片只得我哋一部，所以要揀就睇我哋啦。」

毛舜筠畀50F上圍考起

今次選擇歌舞片為主題，香港已經很久沒有這類型的電影，祖藍說：「正正因為香港近年冇乜點拍過歌舞片，我覺得香港都需要有一部，而且賀年吖嘛，有歌有舞、跟住聽得好High、又有喜劇、又有愛情，我諗就可以滋潤每一個人嘅心。」 毛舜筠表示在新戲中有七個造型，而每個都不一樣，更笑言連老公看宣傳片後都認不出自己：「其中一個造型係50F 上圍重要跳舞，真係好重 負擔，搞到好攰又腰痛。」

李亞男產後首度現身

李亞男產後首度出席活動支持老公，她大讚對方有才華又有型：「呢部戲改編舞台劇，我哋以前喺美國睇過， 老公去紐約傾版權我都有去，見證咗佢夢想成真，係好感動。」問到老婆為何沒有演出？祖藍表示：「佢當時大住個肚，最緊要保住BB，就算探班都唔係經常嚟，因為片場人多。」現場記者提議下次開戲要預留角色給老婆，祖藍聞言：「睇下有冇適合嘅角色，可能又生第二個呢。」

（蔡少芬張晉夫婦、陳法蓉亦 現身支持好友毛舜筠。）

（ 岑麗香預計留在香港待產。）

岑麗香預計留港待產

同場的香香雖然懷孕六個月，但她仍然穿高踭鞋亮相，她表示已得到老公強強批准。香香透露仍未決定待產地點，不過較大機會留在香港，她更謂希望順產：「我怕血同刀，連去抽血都驚到瞌埋眼，老公冇我咁驚，所以會一齊入產房。」香香表示暫時未有計劃，指電影拍攝時未知自己懷孕： 「拍到後來先知有BB，覺得肥咗，試過有攝影師叫我縮肚， 心諗其實縮唔到咁多，但當時未夠三個月唔講得。

（王祖藍自導自演的新戲， 日前墟冚舉行首映禮。）