與劇中愛慕者襯到絕出場
歐陽震華客串《開心速遞》
歐陽震華昨日出席《愛 · 回家之開心速遞》宣傳活動,他表示客串演出的兩集將於本月廿四及廿五日播出,希望大家多多捧場,又透露將會有新片頭及新主題曲。
歐陽震華(Bobby)、劉丹、湯盈盈、單立文、呂慧儀、林淑敏、許家傑、張景淳及“群姐”許詩敏等《愛 · 回家之開心速遞》演員,昨日出席“父愛情滿六月天”活動,與市民一起慶祝父親節。Bobby與劇中愛慕他的群姐不約而同以黑紅打扮現身,可謂襯到絕。兩人在台上不單手拖手,又作狀啜嘴。群姐笑稱是悉心打扮來襯托Bobby的,被問可會有親熱戲?Bobby笑言當然唔少得:“係情侶關係,好佩服編劇,劇中講我哋係一對,但睇落唔核突。有我哋情深款款對望嗒糖的鏡頭,又會穿越時空,有兩個古代、一個民初、一個現代,古代係祝枝山同花魁,仲有梁山伯與祝英台,民初就係《色 ·戒》的梁朝偉扮的易先生,群姐好似叫湯碗。(可有像電影般露肉?)到時大家再睇有冇驚喜,聽聞要打馬賽克。(從影以來最大膽一次?)我哋啲戲好純真。”他又大爆群姐拍攝時出動五卡私伙鑽戒拍攝。
Bobby又透露將會有新片頭及新主題曲,問到是否由他主唱?他說:“如果係我唱就趕客囉,我又唔係公司合約歌星。(客串兩集可足夠?)呢兩集搞到佢哋要拍到天光,第二日就冒住暴雨去飛鵝山發射站,同群姐、李楓一齊行山,加埋千歲宴,斜坡成四十五度,地面又滑,好驚佢哋跣親,可大可小。”大會在尾聲送上大型宣傳牌,Bobby發現其名字“震”誤寫成“振”後,打圓場說:“同音就得啦!”其後大合照時就鬼馬地用手遮住錯字。
劉丹透露父親節要開工至晚上十點,太太及孫女小糯米早一日已為他提早慶祝,除送上蛋糕,孫女更親手畫了一張卡,上面有爺爺及很多花花草草。
湯盈盈表示老公錢嘉樂與“獎門人”去了日本,晚上夜機返港,兩個女兒準備了親手畫的賀卡待爸爸回來一起慶祝。問到盈盈為何不一起去日本?她表示因為要開工,加上近日放了很多假,不好意思再放假。
留言