青鋒碌“卡”闖決
【本報消息】本地甲組足總盃四強,前晚九時假蓮峰球場上演。上屆亞軍青鋒硬撼橫琴ISC首座蒙地卡羅。兩隊法定時間賽和一比一,要互射十二碼分勝負。青鋒門將馮智恆做英雄,協助青鋒贏八比七晉級決賽。
青鋒準決賽惡鬥蒙卡,兩隊開賽各有攻勢。青鋒早段有茹海澄半單刀起腳,但角度太窄被門將何文輝救出。蒙卡隨即有兩次埋門,張海山首次起腳被馮智恆飛身救出,但在廿八分鐘入波助蒙卡半場領先。
換邊後蒙卡繼續攻,惜法比斯奧、鍾偉健先後失機,加上青鋒後衛阿祖多次化解蒙卡攻勢。蒙卡久攻不下,結果戰至八十分鐘,反被青鋒高美斯入波追平。之後雙方再無紀錄,兩隊要互射十二碼分勝負。
馮智恆勇撲奠勝
雙方頭五輪之中,青鋒隊長周偉濠射門被何文輝救出,但蒙卡同樣有陳文均宴客。兩隊進入即時死亡制。踢至第九輪,青鋒馮智恆做英雄,救出蒙卡隊長鄭正揚十二碼,青鋒互射十二碼贏八比七,連續兩年殺入決賽。
本月廿八日下午,蓮峰球場上演終極一戰,衛冕的澳科鄒北記硬撼青鋒,合演去屆決賽翻版。
留言