宮外孕流產急切輸卵管
陳柏宇太太走出陰霾
陳柏宇和太太符曉薇(Leanne)的女兒陳羿辰(Abigail)已兩歲大,為了女兒有個伴,他們努力造人,於五月終於成功,可惜Leanne因宮外孕流產,六月時要切除左邊輸卵管保命。幸好她經過一個多月調整心態,已經走出陰霾,表示待疫情過後,會再嘗試造人。
Leanne早前拍下短片,自爆於五月知道懷上第二胎時,心情興奮,但想不到兩個星期後開始出血和腹痛,“起初聽到醫生指我宮外孕機會甚微時,我都好安心,後來便日日出血,時少時多,直至覆診當日,腹部劇痛得以為是盲腸炎,醫生照到我子宮大量出血,係宮外孕,更導致左邊的輸卵管爆裂,要緊急做手術切除。我好記得當日係六月一日,為我帶來難忘傷痛經歷,當時心情好低落和失望,完成手術後,一度幻想BB可能仲喺度。”她出院後心情很差,充滿負面情緒,幸好有家人照顧和安慰,加上她經過一個多月調整心態後,終於走出陰霾,表示待疫情過後,會再嘗試造人。
Leanne昨日在社交網站曬相及留言道:“首先多謝大家嘅關心,然後解答吓大家嘅問題。有網友問點解咁遲先知宮外孕,早啲去產檢就可以避免爆輸卵管。因為疫情底下,所以避免成日去睇醫生,所以遲咗去睇,先搞到咁。第二大家問陳生點樣氹我,佢繼續做返自己,繼續搞笑,令到好緊張嘅氣氛變得搞笑。第二條片就係我準備入手術室時,成日都冇飲過水同食嘢,勁口渴,護士幫我吊鹽水,陳生揸住杯水過嚟同我袋鹽水乾杯。雖則佢不嬲都賤格,但就係令到我笑返。第三張相就係做完手術嘅傷口,我做微創手術,開咗三個窿……而家我完全康復啦,多謝大家嘅愛,最後真係多謝媽咪個幾日照顧我,日日買餸煮飯煲湯畀我飲……果然世上只有媽媽好!”
陳柏宇接受香港傳媒電話訪問時,坦言這消息對夫妻倆好大打擊,但身為丈夫,他要堅強面對,要繼續照顧好家人。他表示女兒可好愛,成了二人的開心果,與女兒玩耍時,可以紓緩情緒。
留言