唔介意未婚妻曬身材
鄭俊弘讚何雁詩零瑕疵
前晚,薛家燕、譚嘉儀及鄭俊弘等為新一集《流行經典五十年》節目錄影,家燕姐當晚悉心打扮亮相。日前她重新返新城電台開咪做節目,她表示好友開設消毒公司,每次她開咪前對方都會幫她的直播室消毒,以策安全。而鄭俊弘則被追問未婚妻何雁詩日前曬性感短片之事。
家燕姐前晚以一身鮮黃晚裝亮相做節目,容光煥發。她最近以《食神》味公主造型為自家月餅拍廣告,還說要多謝周星馳給了她這個經典造型。對於有報道指前無線藝人吳剛感染新冠肺炎,更涉嫌拖欠演唱會門票退款。家燕姐表示前年見過對方後,近兩年也沒有接觸:“聽到話佢感染新冠肺炎,都有打畀佢,但佢兩個電話打極都搵唔到人,(可有擔心他經濟有問題?)前兩年佢話身體唔好,希望佢冇事啦,早日康復。”
鄭俊弘的未婚妻何雁詩最近在網上分享性感教減肥的短片,惹來吳業坤留言說看了五十次,鄭俊弘笑言:“真係?咁畀面!如果大家想做運動,都可以跟住佢做。”對於有網友認為何雁詩賣弄身材,鄭俊弘表示這些短片是他拍的,他不覺得未婚妻暴露:“反正我唔介意,佢着嘅都係運動衫。佢想點就點,好自由。(滿意佢身材?)我一向都滿意,冇瑕疵,有時我都會跟住佢一齊練腹肌。”
鄭俊弘與何雁詩將於十一月七日在香港舉行婚禮,但最近爆出第三波疫情,可會擔心婚期受影響?鄭俊弘無奈地表示:“係都冇辦法,原本今個月安排咗過大禮,但都唔搞住,因為儀式會有好多老人家同埋多人聚集,要睇定啲。(可會先辦註冊?)我們會再商量,但想成件事可以一次過搞掂,始終係人生大事。”
剛踏入三十二歲的譚嘉儀,說生日與家人度過,她也分享了酒店打卡照。對於有報道指她在節目唱歌時臉變得更尖,嘉儀就說是燈光和角度的問題。
留言