ANSONBEAN自《造星III》出道後密密接Job，人氣不輸其他《造星》歌手！

ANSONBEAN請師姐鄭欣宜食蕉，其實是為對方補充體力兼打氣。

ANSONBEAN與鄭欣宜首次合作跳唱快歌，Joyce大讚小師弟表現出色。

ANSONBEAN私下加操練舞，以免失禮師姐！

ANSONBEAN大讚今次拍攝場景非常壯觀，錄製新歌時也十分緊張。

ViuTV人氣選秀節目《全民造星》系列除了捧紅姜濤和其組合MIRROR等，第三季出道的ANSONBEAN（陳毅燊）亦成為樂壇勁爆新人，廣告與音樂工作排山倒海接踵而來！早前他正式加盟寰亞音樂做鄭欣宜（Joyce）師弟，兩人更首度合作Joyce的最新跳舞快歌〈@princejoyce〉，身為小師弟的ANSONBEAN亦為今次合作私底下秘密苦練勁舞，以免失禮師姐，而Joyce亦心心眼表示這位小鮮肉師弟表現勁good！（文：黎永樂）

自《造星III》奪三甲位置後，ANSONBEAN人氣爆燈，更被傳媒封他為「姜濤2.0」，他加盟Joyce的音樂公司後，即獲公司安排與師姐 合作新歌〈@princejoyce （featuring ANSONBEAN）〉，這亦是兩人首次合作，就算Joyce拍攝當日沒有 ANSONBEAN的通告，他也十分有誠意地親身到現場探班，並且在一旁靜靜偷師，更非常搞笑的買了一袋香蕉前往探班，並表示：「食蕉可以補充體力，因為要跳舞。（今年爭新人獎？）我都算係新人，但冇諗過爭唔爭獎。」

請師姐食蕉打打氣

ANSONBEAN 續說：「可以同Joyce合作真係好開心！雖然我同Joyce係分開拍，但係Joyce拍攝嗰日我都有去探班，不過我只係買咗啲香蕉畀佢，幫佢打吓氣。但我一去到已經畀個好靚好壯觀嘅景嚇親，再見到著住套好靚舞衣嘅 Joyce ，佢手上嘅水晶長指甲又好靚，襯起佢好靚好型，搞到我望住佢都有少少緊張，所以只係敢同佢講叫佢加油呀！」

私下加操將勤補拙

年紀輕輕的 ANSONBEAN 平時跳跳紮，形象活潑好動，私下他也是個非常勤力好學的人，當一知道要在新MV中演出便立即私底下加操練舞，他說：「MV隻舞唔係好複雜，拍之前兩日開始學，之後我睇住Joyce個MV私底下練咗一日，所以拍攝時大家都滿意我表現，公司同事讚我學得快，其實係我秘密苦練將勤補拙。」

激讚very very good

ANSONBEAN 直言第一次正式入錄音室錄個人作品，在錄音室時確實有點緊張，他說：「剛開始錄歌時我係有啲緊張，之後就進入狀態放膽咁唱，自己嘗試花啲心思放多啲自己嘅方法入去，又試一下扮厚啲聲扮大隻佬咁唱，搞到好似演戲咁花功夫。」至於師姐Joyce如何評價小師弟的表現呢？Joyce 說：「我同公司都覺得 ANSONBEAN 好啱呢啲跳舞節奏嘅歌，咁〈@princejoyce〉呢首歌就啱晒啦，佢嘅表現亦都very very good！」