「無間道」題材電影,引人入性之處,唔喺唔知邊個喺內鬼,喺唔到最後都唔知有幾多隻鬼?現實世界裡亦不惶多樣,本澳執法部門頻頻被揭發有內鬼洩露警隊機密,通風報信,向不法份子提供所需的資料。近日,廉署披露一宗同類案件,揭發一名治安警員涉嫌受收賄賂,及洩露機密警務資料,為一名非法入境本澳人士偽造入境紀錄,並協助經其駐守的口岸「通關」,更涉嫌長期向一名活躍賭場的人士洩露多名特定人士的出入境資料。
百足咁多爪,自然搵到食。廉署發現該名警員收入與公職不相稱,資產遠超過其歷年擔任公職的總薪酬收入,當中有五百萬元的財富來歷不明。賣料賣到變小富翁,可想而知,其洩露的警務機密有一定價值,絕對唔喺收一千幾百元線人費,專畀流料的「道友強」所為。調查過程中,廉署有更多的發現,「無間道」不只一個,涉案警員透過另外四名任職不同部門的同僚查閱他人的出入境紀錄、被監控情況、案件資料等。你又喺,我又喺,原來大家都喺鬼!
內鬼潛伏在警隊每個角落,收受利益「賣料」,直接影響到警方打擊不法分子的工作,要是「無間道」受到犯罪集團操控,又或是成員,分分鐘翻轉整個警局。事實上,執法人員洩露內部機密已不只一宗。值得留意的是,警員能私自翻閱內部資料是一大漏洞,之前也有執法人員因私人問題,翻閱他人出入境資料。當局曾強調會完善有關監察措施,雖然今次案件發生於數年前,但確實要認真、認真、認真檢討之餘,更加要徹底「驅鬼」。
山草
留言