江沁兒轉戰網絡講表演
三名網紅Mixsh、江沁兒和Namnam日前為某直播平台拍攝廣告。第一次拍攝廣告的Namnam心情緊張,笑言自己仍是學生,所以向性感Say No:“其實我都想試多啲,習慣對鏡頭之後可以拍吓電影、做吓節目主持。但始終我仲係學生,所以唔會太性感,最多露吓罅已經係極限。”
本身係舞台劇演員的江沁兒,透露受疫情影響而轉戰網絡世界,幸而得到網友支持,賺得盤滿缽滿:“起初以為只得幾千元收入,又或者當兼職咁做。但係好多粉絲支持我,情人節收到超過送六位數禮物,令我非常感動!其實我做直播都係講吓舞台劇花絮,又或者隨時讓佢哋點唱,總之就係將舞台表演轉移到網絡平台。”
Mixsh坦言網絡世界“咩人都有”,遇到怪叔叔也有應對方法:“其實平台都有管理員,真係好核突係可以踢佢哋走,但大多數都係口花花冇咩惡意,可以同佢鬥大嚇走佢!好似有人問我賣唔賣着緊的絲襪,我話十萬一隻你係唔係買先!”
留言