親自挑選MV男主角
譚嘉儀投入拍拖情節
譚嘉儀日前為劇集主題曲拍攝 MV,她笑言好滿意男主角,因為除咗靚仔,還是跳舞導師,為MV中的拍拖情節生色不少,令她更加容易投入拍攝。
譚嘉儀日前為正在熱播的無線古裝喜劇《一笑渡凡間》主題曲《喜愛便一起》拍攝 MV,拍過不少MV的嘉儀,表示最開心今次可以有份揀選MV男主角,笑言男主角除咗靚仔,還要是跳舞導師,為拍拖情節生色不少,亦令佢更加容易投入。
《喜愛便一起》由譚嘉儀主唱,因為今次係一首甜蜜輕快的作品,所以導演為配合歌曲,特別選址一個充滿度假風的場地取景。嘉儀甫到現場就十分喜歡,不停現場影相打卡。除了場景令她滿意外,另一樣令嘉儀好滿意的就是今次 MV 的男主角,合作過後更對呢位對手讚不絕口。嘉儀笑說:“今次係我首次有份參與揀角,導演畀咗幾個男模特兒的相畀我睇,結果我同導演的選擇都好一致。男主角除咗夠靚仔,最重要係因為佢係跳舞導師,即場形體動作好正,為拍拖情節生色不少!好欣賞佢嘅表現,令到我都更加容易投入拍攝。”
嘉儀透露近日除了忙於為歌曲宣傳外,還正在籌備製作新歌。她說:“好開心有機會與唔同的監製、音樂人合作,希望會有更多新嘗試,擦出新火花,我自己都好期待呀!”
留言