無線急簽佛相佳麗
港姐鬥靚,有佳麗綽號“東涌羅浩楷”。美艷靚女,大都高佻面尖尖。她面圓身材微潤,周身福相,又有綽號“佛相”……太陽底下無新事,各位高明讀者隨即一叫“一定出局”!果然,港姐初選被淘汰;但太陽底下無不可能之事,TVB第一時間急召“佛相”佳麗回來,簽約!
二十二歲的Kirsten利愛安擁有中國、菲律賓及西班牙血統,自小夢想參選港姐。首輪面試時,自爆來自東涌,天生佛相,令人留下不一般的印象,加上網上能歌善舞炒作,無線及時聯絡這顆“麗海遺珠”……
“最初,佢哋打電話畀我阿哥,以為對方打錯電話,之後,我哋跟TVB見咗第一次面,第二日就簽約。本來,我同阿哥都有商量是否簽約,但TVB好尊重我哋,繼續讓阿哥做我經理人。我哋決定簽。”一年一騷合約,據知每個騷一千元,因為“佛相”Kirsten年紀尙輕,學業未完成,所以簽約空間自由度比較大,哥哥任經理人,便於在外繼續接Job。
黃建東早前於社交平台帖上與Kirsten合照,歡迎對方加入《愛 · 回家》。《愛 · 回家》監製林建祥受訪時,坦承Kirsten和港姐冠軍謝嘉怡都即將加入劇組。他表示,不介意兩人廣東話差,可讓她們好好學習。Kirsten表示:“佢哋只係同我講會有演戲和拍劇機會,我係有聽過有機會加入《愛 · 回家》,不過,現時還未開始拍。好興奮有機會加入這個大家庭。我有上網睇過啲片,掛住睇戲,唔記得睇中文字幕。”她直言不太懂廣東話,已經不斷上網睇片學習,又抄筆記,記者要求她示範幾句已學的廣東話,她搞笑表示筆記簿不在身邊,但中學時常聽同學說的一句……赫然是粗口。“反正我拍劇不介意角色,丑角、壞人,都想試。”
高 梁
留言