座駕被盜失而復得
湯告魯斯車內財物被洗劫
“靚佬湯”湯告魯斯(Tom Cruise)因為拍攝成名作續集《職業特工隊7》(Mission:Impossible 7),在疫情期間可謂衰運纏身,最近在英國開工時竟然被賊人偷竊名車,雖然後來警方找回失車,但車內財物已經被洗劫一空。
消息指靚佬湯在英國伯明瀚為電影開工,其價值十萬英鎊(約一百萬澳門元)的寶馬靚車就在The Grand Hotel酒店門外被賊人偷走。知情人士指賊人好“高科技”,複製了靚佬湯名車的門鎖系統,直接把車子開走。後來因電子跟蹤裝置被警方發現失車,失車尋回,但車內數以千計英鎊的財物及行李已不翼而飛。
因英國疫情依然嚴重,靚佬湯目前在當地和男星Hayley Atwell在某商場拍攝,出入多選擇用直升機,寶馬車只是備用,方便來回出入接送才使用。爆料者指靚佬湯被偷去大量私人財物嬲到出煙,他的保安團隊亦非常尷尬。有趣的是,該車在酒店門外停泊,相隔二分鐘路程就有一間警局,賊人明顯當警方及靚佬湯冇到。
五十九歲的湯告魯斯為了在疫情期間拍攝《職業特工隊7》,可謂勞心勞力又勞財,上映日期延了又延,目前延至明年五月上旬上映。不過拍到現在都未拍完,加上工作人員未夠謹慎認真,令到靚佬湯好沮喪。唔少行內人士預計好大機會又會延期,肯定令該片成本再次超支。
留言