解凍復出拍劇後男友出事

    朱智賢唔想分心

    鄭詩君、朱智賢、關嘉敏及陸永等昨日出席記者會，介紹J2台連串新節目，包括由方紹聰主持的《野外步出2》、陸永及鄭子誠主持的《邊度都有陰謀》、余德丞及林俊其主持的《真 · 女神轉身》及《搵鬼去電視城》等。

    J2台創意總監“C君”鄭詩君昨日率領眾人主持切豬儀式，不過為配合《J2呢鋪開細》記招主題，捧上台的托盤中只有一嚿燒豬。他笑稱節目年輕化，主持用新人、不會論資排輩；又指林正峰是創作藝人，給了他好多橋，也是他存在的最大功用。

    對於以男男配對招徠的真人騷《仔仔一堂》疑被抽起，C君表示公司已發聲明，他不會就聲明作特別回應。被問節目是否製作中？他說：“當然係，但至於邊度播？幾時播？由好多部門決定，不是我一個人決定播唔播。”至於J2台節目題材是否有限制？他稱要慢慢試， 希望細水長流。他會否主持節目？他說會減少音樂以外的幕前工作，農夫廿周年演唱會計劃明年舉行。

    方紹聰（奶仔）主持的J2節目《野外步出2》將於下月一日打頭陣播出，更請來廿五位“女神”性感亮相，包括傅嘉莉、彭慧中、陳詩欣、鄧伊婷、江嘉敏、蔡嘉欣、林凱恩、黃婧靈（波波）、謝芷倫、關嘉敏等人。奶仔可謂艷福無邊，令人羨慕。但奶仔表示：“其實今輯節目有位嘉賓真係令我有啲尷尬，嗰個人就係波波。原因係佢學習扮美人魚，泳姿實在太過靚、又標準，所以我尷尬自己游水好渣，嗰一集係波波大戰奶仔。（好大壓力唔敢直視佢？）係好大壓力，我隻眼長時間定焦望住佢個樣，唔敢上下周圍望。（所有女神都係由你欽點？）梗唔係我欽點啦，講到我好似皇帝咁。其實係經過C君、監製同B哥一齊去決定嘅，當中都有啲係我提議嘅，多數係搵返身邊嘅朋友。”

    朱智賢與關嘉敏以Bra Top加外套現身，奶仔大讚朱朱的“架生”吸引。兩人稱在節目《野外步出2》中試過行山拍足十多小時，朱朱笑言是極限，“行完成個人散晒”。談到其男友謝東閔疑玩航拍出事，朱朱表示對此事不作評論。日前謝東閔缺席TVB節目巡禮，被網民指他“潛水”，她說：“冇留意，平時話題以狗為主，甚少談工作。”會否擔心對方？她稱不回應。朱朱說年底將開拍新劇：“係我休息年多時間後拍第一部劇，唔想給自己壓力，以平常心面對會做得更好。”

    關嘉敏表示在節目中要行山游水，差點暈低，還曬傷背部。她透露剛拍完劇集《隱形戰隊》：“好鍾意劇中角色，十分期待。雖然唔使拍動作戲，但開心被人拳打腳踢，拍完興奮到難以入睡，尤其拍喊戲，對我來說好大挑戰。”