炎明熹被爆喊到下巴震
由一班《聲夢傳奇》學員及《盛 · 舞者》參賽者的無線全新青春劇《青春本我》,於昨晚首播。總導演李敏逐一笑談劇中的同學仔,透露正式開拍前專誠抽空與每位演員單獨會面:“我哋有為佢哋度身打造角色,因為新人最好係做返自己。另外亦有根據角色性格,個別設計唔同的心理狀況去配合演出。”
李敏表示十七名演員當中,有十五個半完全冇演戲經驗,“甚至連半句對白都未講過”,加上拍攝時間緊絀,導演就算有修讀心理輔導,開拍前亦難免有心理壓力。李敏續指“女子組”角色需要處理較多喊戲,當中炎明熹(Gigi)及林沚羿(Venus)的喊戲帶給她一定程度驚喜:“Gigi第一次喊得比較混亂,因為佢耷低個頭喊,所以拍到的鏡頭好少!之後大家明白到原來Gigi只要一聽到音樂就會喊,所以每次都有準備音樂。又知道Gigi第一二個Take就會喊盡,所以拍喊戲要一Take就過,佢真係喊到下巴都震晒口架!”李敏認為香港需要培育更多新演員,坦言從一開始拍攝《青春本我》,到現在進入後期剪接等工作,看到一眾新演員每次都有進步,令她大感安慰:“我都好有滿足感,睇住佢哋由對白都講唔到,甚至走錯位,到依家起碼有啲演技。最尾幾日,佢哋甚至識得互相提點,令我好感動!”李敏又指童年時曾演電影《蜘蛛俠2》的Venus,亦是開水喉代表:“佢未算控制自如,所以拍攝要配合返佢嘅節奏。”
留言