亞男爆祖藍被竇曳曳

    夜半無人私語時，王祖藍許多時不是攬着枕邊人，而是抱着電話，與遠處閨密綿綿細語訴哀腸……“我都有情緒(口+架)”，老婆李亞男大興問罪之師，“有冇照顧我情緒(口+架)”。節目中，索吻補償，“好耐冇咀過咩？”二十四小時前了。

    結婚七年，要數“床密”缺點。“佢太過華姐……”祖藍大爆老婆黑材料——“好華姐(口+架)，基本上，你見唔到佢沒有笑容，聽你唔明，笑笑。嬲你，也笑笑，總之，就是要保持華姐笑容；同時，佢永遠唔會太興奮，甚至啱啱冲完凉，包住個頭，同我講嘢，都會有華姐甫士。”

    玩“閨密快問快答”環節，第一次見面年份，第一次約會地點，第一次入戲院睇嘅戲，第一次接吻地點……二人均以一秒一答出正確答案且加細節，刻骨難忘是，失而復得的良緣。

    清純華姐，遇上勤奮大茄，天賜“郎才女貌”；身邊謠喙紛起，靚女初踏娛圈好易學壞，癩蛤蟆必想吃天鵝肉……。“嗰時有惗過返去加拿大讀書唔再返香港”，亞男情陷剪不斷理還亂，“個心一直掛住香港，好掛住男朋友。把心一橫，寫咗一封信給屋企人，我一定要返香港，尋找我的幸福！”節目翻播當年婚禮，祖藍重現“愛的宣言”：“我以前好容易好火爆，現在，畀你感動到冇晒火。我知道娶到你一生都會幸福，依家娶到你眞係每一日都覺得好幸福。”亞男冧爆回應，“多謝你，畀我成為你人生嘅女主角。”

    近勁者勁，亞男也漸變諧星了。上《閨密》最後一集，賣大包，大爆有味床戲，公開投訴老公欺人太甚，“佢成日喺個被竇入面屙屁。佢明明可以講句唔好意思，然後出一出去，點解仲係躲在被竇入面，你要焗死你自己，OK。but……。”

    之後亞男搞笑，狂數老公“烏搲”事件簿。祖藍幾次兇相畢露，企圖制止老婆適可而止。亞男挺起胸膛，運足丹田，鳴鳴哇哇，發出恐龍之聲。

    “恐龍之聲驚人絕技，我親自教授的。”王祖藍表示，“主要平時用來氹兩個囡囡開心。”靚媽甘扮恐龍，足見母愛偉大的一面，祖藍一再大讚李亞男：願意無條件付出的好媽媽！

    高  梁