疫情作亂,經濟低迷,升斗市民收入不如前,政府卻失驚無神將電單車咪錶位違迫罰金調升兩成,被指是靜雞雞加價,更被議員質疑在如此經濟不景氣下加價是否合適。其實是次調整,加哂最多都不過是廿蚊,高物價下,一餐咖啡埋單計都唔只這個價。局方乃至司長均認為不是甚麼大改動,冇咩特別。當然,十幾廿蚊,對於一些人算不了甚麼大數目,分分鐘跌咗落地都唔知。但對很多小市民而言,「神沙」都喺錢,一元八塊都要想過度過至捨得使。
現時電單車咪錶位違泊逾一小時罰一百元,不足一小時罰五十元,加價兩成後,分別是一百二十元及六十元,合理與否見仁見智。咪錶位都違泊,只好講句低罰,的確平過路邊違泊罰款!加價總有個原因,令人不解的是,這個原因竟然與數學除法有關,真喺考起大家。事原現時在期限內繳交罰款,可扣減三分一,就正正因為一百元和五十元用三除唔盡,當局索性將罰金加到可以除盡,放便計數而已。
數學呢家嘢真喺神奇,加減乘除的運用更是妙不可言。罰金加兩成可以除得盡,減一成都可以除盡,唔除三,除二都可以,既然是無意加價,也可以有意減價,視乎觀點與角度。還有很多方式可以計算這道題目,大家隨便諗吓!若單純從數學出發,一百零二蚊和五十一蚊都已經能將問題解決,更符合所謂的微調。加兩成都叫做無動作,就好似超級市場,唔覺唔覺加一兩蚊,標高個價再打番個折畀你,沒有兩樣!
山草
留言