何嘉莉欲從商嘆經濟差
何嘉莉(Lillian)日前出席時裝品牌秋冬新品發佈會,獲品牌老闆禮待。原來她更心思思、對創業蠢蠢欲動。Lillian笑說:“因為自己好鍾意fashion,有朋友建議我去做自己嘅時裝品牌,我自己都好想做,不過呢幾年嘅經濟真係好差,所以都未係一個好嘅時機,未來睇吓有咩機會,幫品牌做顧問都得口架!其實這品牌老闆時常都會同我傾吓時裝經,我好鍾意lifestyle嘅嘢,或者一齊設計吓家品,會想做啲特別嘅蠟燭生意,希望等經濟好啲就可以實行。”
Lillian最近忙搬屋,同時也專注時尚工作與音樂發展,早前獲邀參加港台紀念已故歌王羅文離世二十周年的音樂節目。她說:“我依然好鍾意唱歌,近期好多新人我都好欣賞,尤其一啲男歌手,公司嘅Ansonbean跳舞好利害,我上次演唱會之後都覺得自己跳舞OK,可以挑戰同佢跳舞口架,哈哈!下個月會出席一個慈善音樂會,到時會表演一兩首歌,可以籌款幫人真係好開心。”最近她更戲癮大發,獲公司安排戲劇訓練增值自己,為未來拍戲做準備。
留言